MË 3 NËNTOR MBAHEN ZGJEDHJET
LOKALE
Më 3 Nëntor
2013 në Kosovë mbahen zgjedhjet lokale. Qytetarët me të drejtë vote mund të
votojnë për të zgjedhur kryetarët e komunave dhe asambletë komunale
(këshilltarët komunal).
E drejta për të votuar
E drejta e votimit
është njëra nga të drejtat themelore të njeriut në botën bashkëkohore. Në
demokraci zgjedhjet janë themeli i legjitimitetit të pushtetit.
Por, vetëm
zgjedhjet e lira, të ndershme, të bazuara në votim gjithëpërfshirës, të barabartë
dhe të fshehtë, përfaqësojnë demokracinë dhe vullnetin e qytetarëve.
Vetëm zgjedhjet, ku
secili qytetar mbi 18 vjet, i lirë, në mënyrë të fshehtë dhe të pavarur e
realizon këtë të drejtë, mund të vlerësohen si zgjedhje demokratike dhe në
pajtim me rregullat dhe standardet bashkëkohore.
VOTO – BËHU PJESË E VENDIMMARRJES
VOTO për
të: Përmirësuar jetën tënde dhe të komunitetit tënd
VOTO për
të: Qenë pjesë e proceseve të rëndësishme në vendin tënd
VOTO për
të: Treguar se je qytetar i përgjegjshëm
VOTO për
të: Vërtetuar se ti je aktor i rëndësishëm për demokracinë dhe vendin
VOTO - SEPSE TI VLENË
VOTO
sepse: Personi më i fuqishëm në një botë demokratike është votuesi
VOTO
sepse: Ti vlen më shumë nëse voton
VOTO
sepse: Jeta është e shkurtër dhe nuk ka kohë për të lënë gjëra pa thënë
VOTO
sepse: Vota jote flet bukur
VOTO
sepse: Vota jote është zëri yt, prandaj bëje atë dëgjohet
VOTO
sepse: Vota ashtu si edhe jeta jote varet nga ti
VOTO
sepse: Nëse nuk voton nuk ke të drejtë të ankohesh
PARANDALOJE VOTIMIN FAMILJAR DHE NË EMËR TË TJETRIT
Votimi familjar
është fenomen mjaft i përhapur në vendin tonë. Votimi familjar është atëherë ku
zakonisht mashkulli më i madh i familjes voton apo detyron gruan dhe prindërit
e moshuar për të votuar sipas dëshirës së tij.
Ky fenomen është i
ndaluar ligjërisht dhe cenon të drejtat e njeriut, të drejtën e gruas dhe
shkeljen e të drejtës për votim të lirë.
VOTO VETË – VOTA JOTE, E DREJTA JOTE
Voto vetë: Parandaloje votimin familjar
dhe në emër të tjetrit
Voto vetë: Mos lejo të tjerët të
vendosin për ty, qofshin edhe më të afërmit tuaj
SI TË
VOTOJ?
Hapi
1 Ditën e Zgjedhjeve, më 3 Nëntor 2013, paraqitu pranë
qendrës tënde të votimit nga ora 07:00 deri në 19:00.
Hapi
2 Pasi të hyni në Qendrën e Votimit (QV), drejtohu tek
Këshilli i Vend-Votimit (KVV) dhe tregoje dokumentin tënd të identifikimit, pasi
anëtari i KVV-së kryen veprimet përkatëse të orienton të nënshkruash në listën
e votuesve pranë emrit tënd.
Hapi
3 Anëtari tjetër i komisionit do të të spërkat me ngjyrë,
njërin gisht të dorës (timbrim), kjo pasi ti të verifikohesh se nuk ke votuar
më parë.
Hapi
4 Kalo te anëtari tjetër i këshillit, i cili do të të
pajisë me dy fletë votime të vulosura (njëra për kryetar komune dhe tjetra për
asamblenë komunale).
Hapi
5 Pasi merr dy fletë votimet, drejtohu te kutia e
fshehtë e votimit dhe sigurohu që të jesh vetëm ti në atë kuti votimi.
Hapi
6 Më pas shiko me vëmendje dy fletët e votimit. Në të
parën identifiko subjektin politik dhe vendos shenjën (×,
apo +) në
kutinë që ndodhet para emrit të kandidatit për kryetar komune. Në të njëjtën
mënyrë përdor edhe flet votimin e dytë, në anën e majtë vendos shenjën për
partinë që dëshiron të votosh dhe në anën e djathtë nënvizo numrin e kandidatit
për asamblenë komunale.
Hapi
7 Palosi dy fletët e votimit në mënyrë të tillë që të
jenë të dukshme vulat e vendosura në anën e pasme të fletë votimeve.
Hapi
8 Futi fletët e votimit në kutinë përkatëse të votimit
dhe mbaroi votimi.
Më
shumë informata për zgjedhjet, procedurat dhe legjislacionin mund të merrni ne
faqen e Komisionit Qendror të Zgjedhjeve: http:/www.kqz-ks.org/
